దేవా మా కుటుంబము | Deva maa kutumbamu

Lyricist: Unknown

దేవా మా కుటుంబము

నీ సేవకే అంకితము (2)

ఈ శాప లోకాన నీ సాక్షులుగా నిలువ

నీ ఆత్మతో నింపుమా (2)

|| దేవా ||

1. కాపరి మా యేసు ప్రభువే కొదువేమి లేదు మాకు

మాకేమి భయము మాకేమి దిగులు

నీకే వందనములయ్యా

లోబడి జీవింతుము లోపంబులు సవరించుము

లోకాశలు వీడి లోకంబులోనా నీ మందగా ఉందుము

|| దేవా ||

2. సమృద్ధి జీవంబును సమృద్ధిగా మాకిమ్ము

నెమ్మదిగల ఇల్లు నిమ్మళమగు మనస్సు

ఇమ్మహిలో మాకిమ్మయ్యా

ఇమ్ముగా దయచేయుము గిన్నె నిండిన అనుభవము

ఎన్నో కుటుంబాల ధన్యులుగా జేయంగా మమ్ములను బలపరచుము 

|| దేవా ||

3. ఏ కీడు రాకుండగా కాపడుము మా పిల్లలను

లోక దురు వ్యసనంలా తాకుడు లేకుండా

దాచుము నీ చేతులలో

ఒలీవ మొక్కల వలెను ద్రాక్ష తీగెలను పోలి

ఫలసంపదలతోను కలకాలము జీవించ

కురిపించుము నీ దీవెనలన్

|| దేవా ||

4. పెంపారు జేయుము మాలో సొంపుగ నీ ఘన ప్రేమన్

నింపుమా హృదయములు శాంతి భాగ్యంబులతో

సంతసంబుగ సాగెదము

వింతైన నీ ప్రేమను అంతట ప్రకటింతుము

కొంతకాలమే మేము ఉందుము లోకాన

చెంత చేరగ కోరెదము

నీ చెంత చేరగ కోరెదము

|| దేవా ||