ఏ పాపమెరుగని యో పావన మూర్తి పాప

విమోచకుండా

నా పాలి దైవమా నా పాపముల కొర కీ పాట్లు 

నొందినావా

1.ముళ్ళతోకీరీట మల్లి నీ శిరముపై

జల్లాటమున మొత్తిరా

ముళ్ళ పోట్లకు శిరము తల్లడిల్లగ సోమ్మ సిల్లిపోతవ

రక్షకా ||ఏ పాప||

2.కలువరి గిరి దనుక సిలువ మోయలేక

కలవరము నొందినావా

సిలువ నీతో మోయ తులువలు వేరొకని 

తోడుగా నిచ్చినారా ||ఏ పాప||

3.చెడుగు యూదులు బెట్టు పడరాని పాట్లకు

సుడివడి నడచినావా

కడకు కల్వరి గిరి కడ కేగి సిల్వను 

గ్రక్కున దించినావా ||ఏపాప||

4.ఆకాల కర్ములు భీకరంబుగ నిన్ను ఆ

కొయ్యపై నుంచిరా

నీకాలు సేతులు ఆకొయ్యకే సూది

మేకులతో గ్రుచ్చినారా ||ఏపాప||

5.పలువిధంబుల శ్రమలు చెలరేగ దండ్రికి

నెలుగెత్తి మొరలిడితివా

సిలువపై పలుమారు కలుగుచుండెడి బాధ వలన 

దాహము నాయెనా ||ఏపాప||

6.బల్లిదుండగు బంటు బల్లెమున నీ ప్రక్కు

జిల్లి బడ బొడచినాడా

ఉల్లోలములవలె నల్ల నీరుబుకంగ జల్లారె

గద కోపము ||ఏపాప||

7.కట కటా పాప సం కటము బాపుట కింతపటు

బాధ నొందినావా

ఎటువంటిదీ ప్రేమ యెటువంటిదీ శాంత

మెటుల వర్ణింతు స్వామి ||ఏపాప||