ఎంతో వింత యెంతో చింత

యేసునధు మరణ మంత (2)

పంతము తో జేసి రంత

సొంత ప్రజలు స్వామి నంత(2) |ఎంతో||

పట్టి కట్టి నెట్టి కొట్టి

తిట్టి రేసు నాధు నకటా (2)

అట్టి శ్రమల నొంది పలుక

డాయె యేసు స్వామి నాడు(2) ||ఎంతో||

మొయ్యలేని మ్రాను నొకటి

మోపి రేసు వీపు పైని(2)

మొయ్యలేక మ్రాని తోడ

మూర్చబోయే నేసు తండ్రి(2) ||ఎంతో||

కొయ్యపై నేసయ్యన్ బెట్టి

కాలు సేతులలో జీలల్(2)

కటిను లంత గూడి కొట్టిరి

ఘొరముగ క్రీస్తేసున్ బట్టి(2) ||ఎంతో||

దాహము గొన చేదు చిరక

ద్రావ నిడిరి ద్రోహు లకటా(2)

ధాత్రి ప్రజల బాధ కోర్చి

ధన్యుడా దివి కేగె నహహా (2) ||ఎంతో||

బల్లెముతో బ్రక్కన్ బొడవన్

పారే నీరు రక్తమహహా(2)

ఏరై పారే యేసు రక్త

మెల్ల ప్రజల కెలమి నొసగు (2) ||ఎంతో||