నడిపించు నా నావా | Nadipinchu naa naava |

నడిపించు నా నావా నడి సంద్రమున దేవా

నవ జీవన మార్గమున నా జన్మ తరియింప

|| నడిపించు ||

1. నా జీవిత తీరమున నా అపజయ భారమున

నలిగిన నా హృదయమును నడిపించుము లోతునకు

నా యాత్మ విరబూయ నా దీక్ష ఫలియింప

నా నావలో కాలిడుము నా సేవ చేకొనుము

|| నడిపించు ||

2. రాత్రంతయు శ్రమపడినా రాలేదు ప్రభు జయము

రహదారులు వెదకిననూ రాదాయెను ప్రతిఫలము

రక్షించు నీ సిలువ రమణీయ లోతులలో

రతణాలను వెదకుటలో రాజిల్లు నా పడవ

|| నడిపించు ||

3. ఆత్మార్పణ చేయకయే ఆశించితి నీ చెలిమి

అహమును ప్రేమించుచునే అరసితి ప్రభు నీ కలిమి

ఆశా నిరాశాయే ఆవేదనెదురాయే

ఆధ్యాత్మిక లేమిగని అల్లాడే నా వలలు

|| నడిపించు ||

4. ప్రభు మార్గము విడచితిని ప్రార్థించుట మానితిని

ప్రభు వాక్యము వదలితిని పరమార్ధము మరచితిని

ప్రపంచ నటనలలో ప్రావీణ్యమును బొంది

ఫలహీనుడనై యిపుడు పాటింతు నీ మాట

|| నడిపించు ||

5. లోతైన జలములలో లోతున వినబడు స్వరమ

లోబడుటను నేర్పించి లోపంబులు సవరించి

లోనున్న ఈవులలో లోటైన నా బ్రతుకు

లోపించని అర్పణగా లోకేష చేయుమయా

|| నడిపించు ||

6. ప్రభు యేసుని శిష్యుడనై ప్రభు ప్రేమలో పాదుకొని

ప్రకటింతును లోకములో పరిశుద్ధుని ప్రేమ కధ

పరమాత్మ ప్రోక్షణతో పరిపూర్ణ సమర్పణతో 

ప్రాణంబును ప్రభు కొరకు పానర్పనము చేతు

|| నడిపించు ||

#Worship2026

#ChristianMusic2026

#NewWorshipSongs2026

#BestChristianSongs2026

#TopWorshipSongs2026